Esta un Feeling no?!

Hopi biaha nos komo ser humano  sea nos mes persona of via konosi ta yega na eksperensia sierto sintimentu nan otro for di tur otro, sintimentu nan ku por yega na laga nos sinti e persona di mas felis ku por eksisti na mundu, pero di kua mayoria biaha pa sea kara di hende, berguensa of orguyo ta skonde esaki nan. Ami personalmente ta hopi habri pa loke ta trata komparti tipo di pensamentu nan i sintimentu nan asina aki. I awe a lanta sintiendo mi mes super inspira pa a skibi i komparti lo siguiente ku boso. Mi ta spera boso disfruta i ku e rekorda boso na un momentu dushi i of un persona importante ku boso a yega di komparti ku kune den boso bida.

For di prome bista bo ta kapta su mirada koutivado i sigur.
Pa bo e bista ei ta algu sumamente bunita i hopi emoshonante.
Su sonrisa  pa bo ta esun di mas bunita ku por yega di eksisti.
Un dushi sonrisa kayente i karismatiko ku ta pone bo bai leu i pensa esaki t’esun.
Su manera di papia ta duna bo e impreshon ku e lo baha luna pa bo sin importa e konsekuensha nan.
Bo kurason ta kuminsa bati lihé , bo ta kuminsa sinti sensashon nan straño den bo barika , e ta bisa bo palabra nan bunita ku ta pone bo sinti mane ku ta bo ta manda mundu.

E por ta zona i parse manera un soño, pero e sintimentunan aki no tin ken ku por kit’e for di bo.
Ora bo namora lo bo no ke soña nunka mas ,paso e realidat mes ta manera un soño ku bo no k’e lanta nunka mas for di dje.

Awor aki mi sa ku lo bo tin e impreshon ku mi ta biba den un mundu di fanasia  of ku mi lo no tin nada di pensa of hasi! haha masha pret mes!
Pero tog  esaki no ta e kaso, pasobra esaki ta sintimentu nan ku nos tur a yega di eksperensia, ta eksperensiando of lo bai eksperensia pronto.

Ay esta dushi!
No tin miho ku sintibo i ta enamora.


Aunke tin biaha legria tambe sa yega su final, kual no ta un sintimentu niun tiki dushi.
Ora bo mira ku ya no tin mas tera pa kana ariba bo ta kai den un abismo profundo sin ku niun hende sa kon of por saka bo bek afo.
E sintimentu ei si no ta nada dushi no, pero bida tin su bon i malu.
ang si, bon a yega su fin ?
No drenta paniko sigui bo kaminda i lo bo topa ku felisidat bèk di kual esaki si por ta un pa semper tambe.
Pasobra e sintimentu di ta enamora por ta zona manera un kuenta pero nada imposibel.

Mi ta spera bo a disfruta lesa mi post di awe mesun tantu ku ami a disfruta di skibie pa abo lesa.