Bida

Tin biaha na e momentu nan ku menos bo ta spera, bo bida ta kambia. Den frakshon di seconde bo ta mira tantu kambio nan spera komo kambio nan inespera pasa dilanti di bo propio wowo nan. Tur pero tur kos den bida tin nan konsekuensia! Ta keda na abo pa sa kon deal ku nan i surpasa nan. 

Hopi biaha nos ta mira un persona, nos ta mire pa loke e ta imprimi riba nos, nos ta mire pa e parti basiko nan, sin sa ku porta e persona ey ta pasando den momentu i of situashon nan disifil. Nos komo hende hopi biaha ta kla pa husga otro sin sa kiko e sierto persona ei ta pasando aden of ta sintiendo di paden.

Bida ta dal buelta nan straño, pa sierto hende e buelta nan ta resulta den algu bon i pa otro no. Pero mi mes persona su opinion ta ku e buelta nan ey ta basa riba kada ken persona su marka, reakshon i of desishon riba esey. Abo komo persona mester saka e bon di kada situashon, abo mester purba mira e lus te na final di e tunel suku i abandona. E ta difisil keremi! Hopi difisil! Pero porta si bo purba rondona bo mes di kosnan i of persona nan positivo ku por yuda eleva i motiva bo, keremi, tur kos lo ta bale la pena. Kada sufrimentu, kada lagrima, kada kambio, kada desapunto. Kada un di e kosnan negativon nan ey lo ta bale la pena pasa aden, biba nan, experensia nan i siña di nan, ku e persona nan adekua, keremi ku despues na final lo bo mira, bira wak atras satisfecho di e persona ku bo ta i kaminda ku bo ta para.

Korda ku no ta tur situashon ta mesun fasil i of disifil, ni kada persona mesun fuerte. Tampoko no ta tur biaha tin posibilidat nan pa por hasi eskoho of tuma desishon pa por skohe bo mes kaminda di kana. Pero bo kambia bo mes pensamentu, bringa tur kos, pensamentu i persona negativo den bo bida, keremi ku E BUELTA ku bo bida a dal ey of lo tey dal lo ta sigur BALE LA PENA i unu ku lo resulta bo di bon.

Sea optimista i no pesimista

Ami mes pa mi edat a pasa den varios situashon ku no tabata ni ta esun nan di mas miho. Mi a pasa den momentu nan difisil tantu ku mi famia komo miso komo persona. Si mi a yega ma punto nan ku mi a pensa pa entrega. Si mi a duna mi konfiansa na persona nan ku no tabata merese esei. Si mi a verwacht hopi di bida i despues keda desapunta pa esey. 

Amistat nan ta bai i bin, situashon nan ta bai i bini nan ta kambia tin biaha oa bon i tin biaha pa malu. Pero tur pero tur kos den bida tin nan motibu, esey mi a siña mi mes! Mi ta kontentu di awor por tin un persona ku ta bringa banda banda kumi, ku ta yuda motiva i elevami, ku ta habri mi wowo ora e kuminsa sera. Persona nan positivo por ta di gran influensia riba abo mes komo persona.

Nan ta hasibo mas fuerte. Bo sinti ku bo ta na punta di seru pa kai atrobe e persona nan ey lo tey bo tras pa tenebo i lantabo for di e soño profundo ku bo ta aden. Pero korda ku esey ta keda na ABO mes komo persona pa skohe bo kaminda pa kana. Sea hasi e buelta di bida ey unu positivo bo mes rondona ku persona nan positivo of laga e buelta termina den algu negativo. 

Sea fuerte. Sea bo mes. Keda bringa. Nunka entrega. 

(Si bo konose i of ta un persona bo mes ku a sufri di algun tipo di depreshon, papia ku un persona serkano ku por yudabo ku un persona profeshonal. Si bo no ta sintibo komodo of sigur pa papia tokante di bo sintimentu nan purba di buska metodo i of formanan pa exprese na bo mes manera. E ta yuda)

tiara.petro@gmail.com lets connect