#DARETOBEDIFFERENT

Tin biaha na e momentu nan ku menos bo ta spera, bo bida ta kambia. Den frakshon di seconde bo ta mira tantu kambio nan spera komo kambio nan inespera pasa dilanti di bo propio wowo nan. Tur pero tur kos den bida tin nan konsekuensia! Ta keda na abo pa sa kon deal ku nan i surpasa nan.  Hopi biaha nos ta mira un persona, nos ta mire pa loke e ta imprimi riba nos, nos ta mire pa e parti basiko nan, sin sa ku porta e persona ey ta pasando den momentu i of situashon nan disifil. Nos komo hende hopi biaha ta kla pa husga otro sin sa kiko e sierto persona ei ta pasando aden of ta sintiendo di paden. Bida ta dal buelta nan straño, pa sierto hende e buelta nan ta resulta den algu bon i pa otro no. Pero mi mes persona su opinion ta ku e buelta nan ey ta basa riba kada ken persona su marka, reakshon i of desishon riba esey. Abo komo persona mester saka e bon di kada situashon, abo mester purba mira e lus te na final di e tunel suku i abandona. E ta difisil keremi! Hopi difisil! Pero porta si bo

Nos mente ta tur kos. Loke nos pensa nos ta bira ...   Kuantu biaha bo no a yega di tende of lesa e dicho aki un kaminda? Bo a yega di para ketu i medita riba e dicho aki?  Universo ta draai den un sirkulo. Tur loke bai mester yega bek un momentu of otro, por ta awe, mañan, otro luna of asta aki par di aña, pero e lo yega bek na e momentu adekua. Hopi di nos ta pensa, aktua, papia i biba un manera negativo, nos ta laga negativismo tuma kontrol di nos. Despues nos ta keda straño dikon sierto kosnan ta bai menos bon den nos bida. Por ehempel a bira algu normal kaba ku ora un persona puntra otro kon ta bai kune i su bida, nan ta responde kosnan manera; "ata nos aki den lucha", "kos ta malu", "bon pero kansa di traha sin mira kambio", " nos tei, por miho pero nos tei" Bo no a para ketu of pensa nunka ku ta esei por ta di gran influensha riba bo bida? Bo no a pensa nunka ku ta e palabra nan ei por ta faktor di bo situashon den bida?  Ora bo brota nega

Tin biaha mi ta sintimi mi so, manera ku mi no tin niun hende huntu ku mi. Mi ta sinti manera ku no tin niun hende ku ta kompronde mi. Ku ta kompronde mi aktitut, mi manera di pensa, mi pensamentu i ideanan i mi meta nan. Dikon mi ta sinti asina? Mi ta buskando ken ami ta, porta bo tambe ku ta lesando lo ta den mesun situashon ku mi. Kiko di berdat ta nos proposito? Nos niun no sa, ni ami ni abo. E ta kansami bo sa, paso kada ken ta pertenese na un grupo i of idealismo di bida, formando nan estilo di bida di kua ta esun ku nan ta biba. Pero ami, mi no sa na kua grupo i of idealismo mi ta pertenese. Mi no por kompronde dikon, mi ke purba di kompronde, pero no por kaba di kompronde. Mi ta sinti sierto momentu nan ku mi NO ta pertenese den e "sosiedat" i "estilo di bida" ku tur hende ta boga i skohe pa biba. Mi ta sinti ku mi ta di otro epoka te asta otro universo. Mi manera di pensa ta stranjo, pero ta e realidat di mi bida! Pakiko biba un estilo di bida

Bo sa puntra bo mes kiko ta bo proposito riba e mundu aki? bo sa sinti bo perdi? Hansha i preshona pa bida? pa tuma desishonan ku bo no ta sinti bo sigur, komodo i kla pa tuma? N o sinti bo tristu ni malu, paso bo no ta e uniko ku ta pasando den esei. Tin hopi ku a yega di pasa, ta pasando of lo tei pasa den esaki sin ku nos por mira i of sinti esei. Un simpel sonrisa por kamufla tur duda, dolor y inseguridat. Pesei hopi biaha nos komo persona no mester husga un buki pa su aparensia, paso e kontenido por ta alfinal sorprendente. A mi mes por ehempel a pasa den hopi situashonan di bida i ekperensia nan ku a trasforma i hasimi e hoben ku mi ta awor aki. Mi tabata insigur, confundi i perdi. Mi ta trahando duru pa por kambia mi mentalidat, karakter i aktitut, keremi!! Tin un kambio grandi, pero esei no ta nifika ku mi ta kla of ku tur kos ta perfekto, mi tambe ta hende mi tambe ta kai. Ainda mi no sa kiko ta mi proposito riba e mundu aki, pero mientras tantu ku mi ta dualdu buskand